మిలన్ లో మెరిసిన ఐ ఎన్ ఎస్ విక్రాంత్

దిశ ప్రతినిధి, విశాఖపట్నం: విశాఖ కేంద్రంగా జరుగుతున్న నావికాదళ ఉత్సవంలో భాగంగా మిలన్ -2024 లో పాల్గొనేందుకు తూర్పు నావికాదళ ప్రధాన కేంద్రమైన విశాఖకు చేరింది. ఇది భారతీ నావికాదళానికి తలమానికమైన విమాన వాహక యుద్ధ నౌక ఐఎన్ఎస్ విక్రాంత్ విశాఖ పోర్టు కు వచ్చింది. దీంతో విశాఖ నగర ప్రజలు సంబరాలు జరుపుకుంటున్నారు. భారత దేశంలోనే తయారైన మొట్టమొదటి విమాన వాహక నౌకగా విక్రాంత్ రికార్డు నెలకొల్పింది.

ఈ కార్యక్రమం ఈ నెల 19 నుంచి 27 వరకు భారత నావికాదళానికి చెందిన ఈస్టర్న్ నేవల్ కమాండ్ (ఇఎన్ సి) ఆధ్వర్యంలో జరుగనుంది. ఈ నావికదళ ఉత్సవానికి అమెరికా, జపాన్, ఆస్ట్రేలియా, ఫ్రాన్స్ , బంగ్లాదేశ్, దక్షిణ కొరియా, ఇండోనేషియా, మలేషియా కు చెందిన నౌకాదళాలు పాల్గొంటున్నాయి.