భార్యపై అనుమానంతో ఇంటి కిటికీలోంచి దారుణం

దిశ ప్రతినిధి, అనకాపల్లి: భార్యపై అనుమానంతో పెట్రోల్ పోసి, నిప్పంటించిన ఘటన జిల్లాలో కలకలం రేపింది. అయితే ఈ ఘటనలో అభం, శుభం తెలియని చిన్నారి పరిస్థితి విషమయ్యింది. మాకవరపాలెం మండలం రాచపల్లిలో నివాసముంటున్న తంగళ్ల రమణకు భార్యతో పాటు ఇద్దరు పిల్లలు ఉన్నారు. అయితే భార్యపై అనుమానంతో కొంతకాలంగా భర్త వేధిస్తున్నారు. ఇద్దరు పిల్లలతో కలిసి భార్య ఇంట్లో నిద్రిస్తున్న సమయంలో శనివారం రాత్రి అకస్మాత్తుగా వారిపై ఇంటి కిటికీలోంచి పెట్రోల్ పోసి నిప్పంటించారు. ఈ ఘటనలో చిన్నపాపకు తీవ్రగాయాలు కాగా, భార్య స్వల్ప గాయాలతో బయటపడ్డారు. పెద్ద అమ్మాయి వీరిద్దరికీ దూరంగా నిద్రిస్తుండటంతో ఆమె తృటిలో ప్రమాదం నుంచి తప్పించుకున్నారు. ఈ ఘటనపై బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.