ఈసారి ఆ పార్టీకి 35 సీట్లే.. ఎంపీ జీవీఎల్ సంచలన వ్యాఖ్యలు

దిశ, వెబ్ డెస్: వచ్చే ఎన్నికల్లో కాంగ్రెస్ పార్టీకి 35 ఎంపీ సీట్లు వస్తాయని రాజ్యసభ సభ్యుడు జీవీఎల్ నరసింహారావు జోస్యం చెప్పారు. విశాఖలో గణతంత్ర దినోత్స వేడుకల ఏర్పాట్లను ఆయన పరిశీలించారు. ఈ సందర్భంగా జీవీఎల్ మాట్లాడుతూ వచ్చే ఎన్నికల్లో మళ్లీ బీజేపీదే విజయమని ధీమా వ్యక్తం చేశారు. దేశంలో రాహుల్ కన్నా ప్రధాని మోడీకే ప్రజలు బ్రహ్మరథం పడుతున్నారని చెప్పారు. 100 సంవత్సరాలుగా సాధ్యంకాని పనులు మోడీ హాయాంలో జరుగుతున్నాయన్నారు. ప్రజల మూడ్‌తో సంబంధం లేకుండా రాహుల్  కార్యక్రమాలు చేపడుతున్నారని ఎద్దేవా చేశారు. విశాఖలో మూడేళ్లుగా చాలా సమస్యలు పరిష్కరించామని, స్థానిక ఎంపీ కంటే కూడా తానే ఎక్కువగా పని చేస్తున్నానని తెలిపారు. గణతంత్ర దినోత్సవం సందర్భంగా విశాఖ బీచ్ రోడ్డులో శుక్రవారం వాక్ నిర్వహిస్తున్నామని, స్థానికులందరూ పాల్గొనాలని ఎంపీ జీవీఎల్ పిలుపు నిచ్చారు.