పోలీసులను ఢీ కొట్టిన గంజాయి కంటైనర్?

దిశ ప్రతినిధి, విశాఖపట్నం: గంజాయి అక్రమ రవాణా సమాచారం పై తనిఖీలు చేస్తున్న పోలీసులను, గంజాయి తరలిస్తున్న కంటైనర్ ఢీ కొట్టింది. ఈ సంఘటన శ్రీకాకుళం జిల్లా పలాస మండలం నెమలి నారాయణపురం జాతీయ రహదారిపై ఆదివారం తెల్లవారుజామున జరిగింది. ఈ ఘటనలో ఎస్‌ఈబీ ఎస్సె ప్రభాకర్‌తో పాటు, మరో ఇద్దరు కానిస్టేబుళ్లకు తీవ్ర గాయాలయ్యాయి. దీంతో స్థానికులు వెంటనే వారిని పలాస ప్రభుత్వ ఆసుపత్రికి తరలించి, ప్రాథమిక చికిత్స అనంతరం మెరుగైన వైద్యం కోసం శ్రీకాకుళం లోని రిమ్స్ హాస్పిటల్ కు తరలించారు. శ్రీకాకుళం పోలీసులు ఇచ్చిన సమాచారంతో పరదేసిపాలెం‌లో కంటైనర్ ను పట్టుకున్న పీఎం పాలెం పోలీసులు 13 గంజాయి ప్యాకెట్లను స్వాధీనం చేసుకున్నారు.