Alluri Dist: కోటి విలువైన గంజాయి కలకలం.. నలుగురు స్మగ్లర్ల అరెస్ట్

దిశ, ఉత్తరాంధ్ర: అల్లూరి సీతారామరాజు జిల్లా సీలేరులో రూ. కోటి విలువైన 901 కిలోల గంజాయిని పోలీసులు పట్టుకున్నారు. ఒరిస్సా నుంచి విజయవాడకు వ్యాన్‌లో తరలిస్తుండగా నలుగురు వ్యక్తులను పోలీసులు అరెస్ట్ చేశారు. మరో ముగ్గురు పారిపోయారు. సీలేరు మాయాబజార్ జంక్షన్ వద్ద నిర్వహించిన వాహన తనిఖీల్లో గంజాయి రవాణా ముఠా గుట్టు రట్టు అయింది. విజయవాడలోని ఓ వ్యక్తికి గంజాయిని పంపుతున్నట్లు పోలీసులు గుర్తించారు. గంజాయి అక్రమ రవాణాపై పటిష్ట నిఘా పెట్టినట్లు తెలిపారు. ఎవరైనా గంజాయి రవాణా చేస్తే కఠిన చర్యలు తీసుకుంటామని హెచ్చరించారు.