ఇసుక తిన్నెల్లో అస్తిపంజరం.. ఆడవారిదా... మగవారిదా..?

దిశ, వెబ్ డెస్క్: విశాఖ గాజువాక సాగర తీరంలో అస్తిపంజరం కలకలం రేపింది. పెదగంట్యాడ మండలం అప్పికొండ బీచ్ తీరంలో సముద్రం ఒడ్డున ఇసుక తిన్నెల్లో పర్యటకుల కాలుకు తగలడంతో మానవ అస్తిపంజరం ఉన్న విషయం బయటపడింది. దీంతో పర్యటకులు ఒక్కసారిగా భయాందోళన చెందారు. వెంటనే పోలీసులకు సమాచారం అందించారు. అయితే అస్తిపంజరం తలపై మాంసం ఉండటంతో సముద్రం నుంచి కొట్టుకువచ్చినట్లు అనుమానిస్తున్నారు. మరోవైపు ఈ అస్తిపంజరం మగవారిదా..? లేదా ఆడవారిదా? అనే విషయం తెలాల్సి ఉంది. ప్రస్తుతం ఈ అస్తిపంజరాన్ని విశాఖ కేజీహెచ్ ఫోరెన్సిక్ డిపార్ట్‌మెంట్‌కు పంపారు. అయితే పది రోజుల క్రితం మృతి చెంది ఉండొచ్చని అనుమానిస్తున్నారు. ఎవరైనా సముద్రంలో ఆత్మహత్య చేసుకున్నారా..? లేదా చంపి ఇసుక తన్నుల్లో పూడ్చి పెట్టారా అనే కోణంలో పోలీసులు దర్యాప్తు చేస్తున్నారు. ఈ అస్తిపంజరం ఎవరిది అనే విషయం ప్రస్తుతం మిస్టరీగా మారింది.