పదో తరగతి హాల్‌టికెట్లు విడుదల..డౌన్లోడ్ చేసుకోండిలా

దిశ ప్రతినిధి, విశాఖపట్నం: ఆంధ్రప్రదేశ్‌లో పాఠశాల విద్యాశాఖ పదో తరగతి హాల్‌ టికెట్లను సోమవారం విడుదల చేసింది. అధికారిక వెబ్‌సైట్‌ https://www.bse.ap.gov.in/ లో హాల్‌ టికెట్లు అందుబాటులో ఉంచారు. విద్యార్థులు నేరుగా హాల్‌ టికెట్లను డౌన్‌లోడ్‌ చేసుకోవచ్చని విద్యాశాఖ తెలిపింది. 10వ తరగతి హాల్‌ టికెట్‌ను డౌన్‌లోడ్‌ చేసుకునేందుకు విద్యార్థి పేరు, జిల్లా పేరు, పాఠశాల పేరు, పుట్టిన తేదీ వివరాలను నమోదు చేయాల్సి ఉంటుంది. ఈ విద్యా సంవత్సరంలో 6,23,092 మంది రెగ్యులర్‌ విద్యార్థులు 10వ తరగతి పరీక్షలకు హాజరుకాను­న్నారు. వీరిలో 3,17,939 మంది బాలురు.. 3,05,153 మంది బాలికలు ఉన్నారు. గత ఏడాది పదో తరగతి తప్పి మళ్లీ పరీక్ష రాస్తున్నవారు 1,02,528 మంది కూడా రెగ్యులర్‌గా పరీక్షలు రాయనున్నారు. ఈ ఏడాది మొత్తంలో 7,25,620 మంది పరీక్షలకు హాజరు కానున్నారు. పదో తరగతి పబ్లిక్ పరీక్షలు 2024 మార్చి 18వ తేదీ నుంచి 31వ తేదీ వరకు ఉదయం 9.30 నుంచి మధ్యాహ్నం 12.45 వరకు నిర్వహిస్తారు.

టైమ్‌టేబుల్‌

మార్చి 18- ఫస్ట్ లాంగ్వేజ్ పేపర్-1

మార్చి 19- సెకండ్ లాంగ్వేజ్

మార్చి 20- ఇంగ్లీష్

మార్చి 22- మ్యాథ్స్‌

మార్చి 23- ఫిజికల్ సైన్స్

మార్చి 26- బయాలజీ

మార్చి 27- సోషల్ స్టడీస్

మార్చి 28- ఫస్ట్‌ లాంగ్వేజ్ పేపర్-2 (కాంపోజిట్ కోర్సు)/ ఓఎస్ ఎస్ ఇ మెయిల్ లాంగ్వేజ్ పేపర్ -1

మార్చి 30- ఓఎస్ఎస్ ఇ మెయిల్ లాంగ్వేజ్ పేపర్ -2 ( సంస్కృతం, అరబిక్,పర్షియన్), ఒకేషనల్ కోర్సు పరీక్ష ఉంటుంది.