Breaking News: వైసీపీ గూటికి కేశినేని నాని..

దిశ వెబ్ డెస్క్: ఆంధ్రప్రదేశ్ లో రాజకీయాలు రసవత్తరభరితంగా సాగుతున్నాయి. శత్రువుకి శత్రువు మిత్రుడనే ఫినామిన ప్రస్తుతం ఆంధ్ర రాజకీయాల్లో కనిపిస్తోంది. ఇప్పటికే పలువురు వైసీపీ నేతలు టీడీపీ లో చేరారు . మరి కొందరు చేరుతున్నట్లు వార్తలు వినిపిస్తున్నాయి. ఈ నేపథ్యంలో టీడీపీకి షాక్ ఇచ్చారు కేశినేని నాని. కేశినేని నాని సోదరుడు కేశినేని చిన్నికి టీడీపీ అధిష్టానం టికెట్ ఇవ్వడం తో కేశినేని నాని, ఆయన కుమార్తె కేశినేని స్వీత టీడీపీ నుండి బయటకు వచ్చిన విషయం అందరికి సుపరిచితమే. కాగా తాజాగా ఆయన వైసీపీ గూటుకి చేరుతున్నట్లు వార్తలు వస్తున్నాయి. ప్రస్తుతం అందుతున్న వార్తల ప్రకారం విజయవాడ ఎంపీ కేశినేని నాని ఈ రోజు వైసీపీ తీర్ధం పుచ్చుకోనున్నారు.

ఇవాళ మధ్యాహ్నం 3 గంటలకు వైసీపీ అధినేత ఆంద్రప్రదేశ్ సీఎం జగన్ సమక్షంలో ఆయన వైసీపీ కండువా కప్పుకోనున్నారు. అలానే ఆయనకు వైసీపీ అధిష్టానం విజయవాడ టికెట్ ఇవ్వనున్నట్లు వార్తలు వస్తున్నాయి. ఆయన కుమార్తె కేశినేని స్వీత కూడా ఈ మధ్య టీడీపీ కి రాజీనామా చేశారు. నిన్న కేశినేని భవన్ కు ఉన్న టీడీపీ, చంద్రబాబు ఫోటో ఫ్లేక్సీలను కూడా తొలిగించారు. దీనితో ఆయన వైసీపీలో చేరుతున్నట్లు వస్తున్న వార్తలు వాసవమే అనే సందేహం అందరిలోనూ కలుగుతోంది. మరి ఈ వార్తల్లో ఎంత నిజముందో తెలియాలంటే మధ్యాహ్నం వరకు వేచి చూడాలి.