AP:తిరుమలకు రాజధాని రైతుల పాదయాత్ర..కారణం ఇదే!

దిశ,వెబ్‌డెస్క్: ఏపీలో ఈ ఏడాది జరిగిన సార్వత్రిక ఎన్నికల్లో టీడీపీ కూటమి భారీ మెజార్టీతో ఘన విజయం సాధించిన విషయం తెలిసిందే. ఈ క్రమంలో నాలుగోసారి సీఎంగా టీడీపీ అధినేత చంద్రబాబు బాధ్యతలు చేపట్టారు. ఈ నేపథ్యంలో రాష్ట్రంలో ఎన్డీయే కూటమి ప్రభుత్వం ఏర్పాటు కావడం, అమరావతి ఉద్యమ ఆకాంక్షలు నెరవేరడంతో రాజధాని ప్రాంత రైతులు తిరుమలకు కృతజ్ఞత పాదయాత్ర ప్రారంభించారు. రాజధాని పరిధిలోని వెంకటపాలెంలో ఉన్న వెంకటేశ్వర స్వామి ఆలయం నుంచి తిరుమలకు మహిళలు, రైతులు పాదయాత్ర చేపట్టారు. ఈ నేపథ్యంలో సోమవారం మొదలుపెట్టిన పాదయాత్రను తాడికొండ ఎమ్మెల్యే శ్రావణ్‌కుమార్ ప్రారంభించారు. 20 రోజుల పాటు ఇది కొనసాగనున్నట్లు తెలిపారు.