Viral:ఇది కదా అభిమానం అంటే.. ఏకంగా పెళ్లి కార్డుపైనే జనసేన ఫొటో!
ఏపీ అసెంబ్లీ, లోక్‌సభ ఎన్నికల్లో ఎన్డీయే కూటమి ఘన విజయం సాధించిన విషయం తెలిసిందే. ఈ క్రమంలో రాష్ట్రంలో టీడీపీ కూటమి నూతన ప్రభుత్వాన్ని ఏర్పాటు చేసింది.
దిశ,వెబ్‌డెస్క్: ఏపీ అసెంబ్లీ, లోక్‌సభ ఎన్నికల్లో ఎన్డీయే కూటమి ఘన విజయం సాధించిన విషయం తెలిసిందే. ఈ క్రమంలో రాష్ట్రంలో టీడీపీ కూటమి నూతన ప్రభుత్వాన్ని ఏర్పాటు చేసింది. టీడీపీ అధినేత నారా చంద్రబాబు నాయుడు నాలుగోసారి ముఖ్యమంత్రిగా బాధ్యతలు చేపట్టారు. ఈ నేపథ్యంలో మంత్రులకు శాఖలు కూడా కేటాయించారు. ఈ ఎన్నికల ఫలితాల్లో జనసేన పార్టీ పోటీ చేసిన అన్ని స్థానాల్లో ఘన విజయం సాధించింది. జనసేన చీఫ్ పవన్ కళ్యాణ్ పిఠాపురం ఎమ్మెల్యేగా భారీ మెజార్టీతో గెలుపొందారు.
ఈక్రమంలో రాష్ట్రంలో ఏర్పడిన టీడీపీ కూటమి ప్రభుత్వం పవన్ కళ్యాణ్‌కు డిప్యూటీ సీఎం పదవితో పాటు పలు కీలక పదవులు కూడా ఇచ్చి న విషయం తెలిసిందే. డిప్యూటీ సీఎం పవన్ కళ్యాణ్‌పై ఓ వ్యక్తి తన అభిమానాన్ని వినూత్న రీతిలో చాటుకున్నారు. తన పెళ్లి కార్డులో పవన్ కళ్యాణ్ ఫొటోను ముద్రించాడు. ప్రస్తుతం ఈ ఫొటోలు సోషల్ మీడియాలో తెగ వైరల్ అవుతున్నాయి. వివరాల్లోకి వెళితే..ఖమ్మం జిల్లా, ముదిగొండ మండలం, వల్లపురం గ్రామానికి చెందిన జొన్నలగడ్డ కుటుంబరావు జనసేన పార్టీ అధినేత పవన్ కళ్యాణ్ వీరాభిమాని అని సమాచారం.
పవన్ పుట్టిన రోజున ఎన్నో సార్లు రక్తదానం కూడా చేసిన రోజులు ఉన్నాయి. పవన్ కళ్యాణ్ మూవీస్ విడుదల అయిన మొదటి రోజే చూస్తాడంట. అలాంటి వ్యక్తి పవన్ కళ్యాణ్ ఏపీకి డిప్యూటీ సీఎం అవ్వడంతో ఎంతో సంతోషించానని చెప్పుకొచ్చాడు. తన పై అభిమానాన్ని.. తన పెళ్లి కార్డులో జనసేన ఫొటో, పార్టీ గుర్తును ముద్రించి తన అభిమానాన్ని చాటుకున్నాడు. ఈ న్యూస్ ప్రస్తుతం సోషల్ మీడియాలో వైరల్‌గా మారింది. ఇది చూసిన నెటిజన్లు అతనిపై కామెంట్ల వర్షం కురిపిస్తున్నారు.
Read More..