పండగపూట ప్రయాణికులకు షాక్

దిశ, వెబ్ డెస్క్: పండగపూట విమాన ప్రయాణికులకు అవస్థలు తప్పలేదు. విశాఖ ఎయిర్ పోర్టు నుంచి పలు విమాన సర్వీసులను రద్దు చేశారు. దీంతో ఢిల్లీ వెళ్లాల్సిన ప్రయాణికులు తీవ్ర ఇబ్బందులు పడ్డారు. ఉదయం వాతావరణం అనుకూలించకపోవడంతో పలు సర్వీసులను రద్దు చేశారు. అయితే మధ్యాహ్నం వరకూ కూడా విమాన సర్వీసులను పునరుద్ధరిచకపోవడంతో ప్రయాణికులు ఆందోళనకు దిగారు. వెంటనే విమానాలు పునరుద్ధరించాలని డిమాండ్ చేశారు. ఈ క్రమంలో ఎయిర్ పోర్టు సిబ్బందితో వాగ్వాదానికి దిగారు. ఇరువర్గాల మధ్య తోపులాట జరిగింది. దీంతో ఉద్రిక్త పరిస్థితి నెలకొంది.ఎయిర్ పోర్టు పోలీసులు సర్ది చెప్పడంతో ప్రశాంతంగా నిరసన వ్యక్తం చేశారు. ఎయిర్ పోర్టు అథారిటీపై ప్రయాణికులు ఆగ్రహం వ్యక్తం చేశారు. పండగపూట తమకు తీవ్ర ఇబ్బందులు గురి చేశారని మండిపడ్డారు.