మీ ఓటు గల్లంతయ్యే చాన్స్ ఉంది.. బీ అలర్ట్ : టీడీపీ అధినేత చంద్రబాబు కీలక వ్యాఖ్యలు

దిశ, వెబ్‌డెస్క్: రాష్ట్రంలో అవినీతి సర్కార్ రాజ్యమేలుతోందని, కొత్త ఓట్ల దొంగలు మొదలయ్యారని, మీ ఓటు తీసేస్తారు లేదా మార్చేస్తారు. నకిలీ ఓట్లు చేర్చేస్తారు.. బీ అలర్ట్ అంటూ టీడీపీ అధినేత చంద్రబాబు ట్విట్టర్ వేదికగా ట్వీట్ చేశారు. ‘మీ భవిష్యత్తును మార్చుకునేందుకు రాజ్యాంగం మీకు కల్పించిన అవకాశం ఓటు హక్కు. పాలకులను ప్రశ్నించే అధికారం ఇచ్చేది ఓటు. రాతియుగం నుంచి స్వర్ణయుగం వైపు మిమ్మల్ని నడిపించేది, మంచి సమాజాన్ని నిర్మించేది ఓటు. ఇప్పుడు రాష్ట్రంలో కొత్తగా ఓట్ల దొంగలు వచ్చారు. మీ ఓటు తీసేస్తారు.. లేదా మార్చేస్తారు. నకిలీ ఓట్లు చేర్చేస్తారు, జాగ్రత్తగా ఉండండి బీఅర్ట్ అంటూ ట్వీట్ చేశారు. ఎప్పటికప్పుడు మీ ఓటు ఉందో, లేదో చెక్ చేసుకోండి అని సూచించారు. ఓటు లేని వారు వెంటనే ఓటు కోసం దరఖాస్తు చేసుకోవాలన్నారు. ప్రజాస్వామ్యానికి మీ ఓటే పునాది లాంటిదని, కాబట్టి ఓటు హక్కును నిర్లక్ష్యం చేయోద్దని అన్నారు. జాతీయ ఓటర్ల దినోత్సవం సందర్భంగా ఓటర్లందరికీ ఆయన శుభాకాంక్షలు.