నారా లోకేష్‌పై వైసీపీ శ్రేణుల ట్రోల్స్..టీడీపీ స్ట్రాంగ్ కౌంటర్

దిశ,వెబ్‌డెస్క్: ఏపీ అసెంబ్లీ సమావేశాలు ప్రారంభమయ్యాయి. ఈ రోజు(శుక్రవారం) ఎమ్మెల్యేగా నారా లోకేష్ ప్రమాణ స్వీకారం చేశారు. అసెంబ్లీలో ఎమ్మెల్యేగా ప్రమాణం చేసే సమయంలో నారా లోకేష్ ..శాసనసభ నియమాలకు కట్టుబడి ఉంటానని..వాటిని పాటిస్తానని, సభా మర్యాదలను గౌరవిస్తానని ఆయన ప్రమాణం చేశారు. ప్రొటెం స్పీకర్ బుచ్చయ్య చౌదరి ఆయనతో ప్రమాణ స్వీకారం చేయించారు. కాగా..ప్రమాణ స్వీకారం వేళ పదాలు పలికేందుకు లోకేష్ తడబడటంతో వైసీపీ శ్రేణులు ట్రోల్స్ మొదలుపెట్టాయి. ‘శ్రద్ధా సక్తులు’ అనే పదాన్ని పలకడంలో ఆయన ఇబ్బంది పడ్డారు. దీనికి సంబంధించిన వీడియోను షేర్ చేస్తూ..‘గ్యాప్ ఇవ్వలేదు..వచ్చింది’ అంటూ ట్వీట్ చేస్తున్నారు. దీనికి టీడీపీ శ్రేణులు స్పందిస్తూ..కూటమి దెబ్బకు మీ నాయకుడు పులివెందుల ఎమ్మెల్యే జగన్ కూడా తన పూర్తి పేరును మర్చిపోయారు అని కౌంటర్ ఇస్తున్నారు.