చంద్రముఖి లో గంగ పాత్రలా ఏపీ పోలీసుల తీరు: చంద్రబాబు నాయుడు

దిశ, డైనమిక్ బ్యూరో : రాష్ట్రంలో పోలీసులే ఫిర్యాదు దారులుగా టీడీపీ క్యాడర్ పై అక్రమ కేసులు పెడుతున్నారని టీడీపీ అధినేత చంద్రబాబు నాయుడు ఆరోపించారు. కుప్పం, పుంగనూరు ఘటనల్లో పార్టీ కార్యకర్తలపై హత్యాయత్నం కేసులు పెట్టడాన్ని ప్రస్తావిస్తూ చంద్రబాబు మంగళవారం వ్యంగ్యంగా ట్వీట్ చేశారు. రజనీకాంత్ నటించిన సినిమాలో గంగ చంద్రముఖి గా మారినట్లు...రాష్ట్రంలో కొందరు పోలీసులు పూర్తి స్థాయి వైసీపీ కార్యకర్తలు గా రూపాంతరం చెందుతున్నారని విమర్శించారు. మొదట్లో టీడీపీపై వైసీపీ అక్రమ కేసులకు అండగా నిలిచిన కొందరు పోలీసులు...ఇక ఇప్పుడు తప్పుడు కేసులు పెట్టే బాధ్యత కూడా వాళ్ళే తీసుకున్నారు! అంటూ చంద్రబాబు ట్వీట్ చేశారు.