Road accident : రోడ్డు ప్రమాదం..నలుగురు దుర్మరణం

దిశ, వెబ్ డెస్క్ : విజయనగరం జిల్లా భోగాపురం మండలం పోలిపల్లి వద్ద 16వ నంబర్ జాతీయ రహదారిపై జరిగిన రోడ్డు ప్రమాదం(Road accident)లో నలుగురు మృతి(four killed)చెందగా, ఒకరికి తీవ్ర గాయాలయ్యాయి. శ్రీకాకుళం నుంచి విశాఖ వైపు వెళ్తున్న కారు అదుపు తప్పి బోల్తా పడగా.. అటుగా వస్తున్న లారీ దానిని ఢీ కొట్టింది. ఈ ప్రమాదంలో కారులో ఉన్న మహిళ సహా నలుగురు మృతి చెందగా, లారీ డ్రైవర్‌కు తీవ్ర గాయాలయ్యాయి. పోలీసులు సంఘటన స్థలానికి చేరుకుని సహాయ చర్యలు చేపట్టారు.

గాయపడిన క్షతగాత్రుడిని చికిత్స కోసం ఆస్పత్రిక తరలించగా.. మృతదేహాలను స్వాధీనం చేసుకుని పోస్ట్ మార్టం కోసం ప్రభుత్వ ఆస్పత్రికి తరలించారు. ఈ ప్రమాదంలో చనిపోయిన వారంతా శ్రీకాకుళం పట్టణానికి చెందిన వారిగా పోలీసులు గుర్తించారు. ఈ ఘటనపై కేసు నమోదు చేసుకుని దర్యాప్తు చేస్తున్నామని పోలీసులు తెలిపారు.