YS వివేకా హత్య వెనుక చంద్రబాబు, బీటెక్ రవి హస్తం: MLA రవీంథ్రనాధ్ రెడ్డి సంచలన వ్యాఖ్యలు

దిశ, వెబ్‌డెస్క్: మాజీ మంత్రి వైఎస్ వివేకా హత్యపై వైసీపీ ఎమ్మెల్యే రవీంథ్రనాద్ రెడ్డి సంచలన వ్యాఖ్యలు చేశారు. గురువారం ఆయన ఓ మీడియా ఛానెల్‌తో మాట్లాడుతూ.. వైఎస్ వివేకా హత్య వెనుక టీడీపీ అధినేత చంద్రబాబు, బీటెక్ రవి, ఆది నారాయణ రెడ్డి హస్తం ఉందని సంచలన ఆరోపణలు చేశారు. వివేకా హత్యపై సీఎం జగన్ ఇచ్చిన వివరణ టీడీపీకి చెంప పెట్టులాంటిందని అన్నారు. కడప జిల్లా ప్రజలకు అసలు వాస్తవాలు ఏంటో తెలుసన్నారు. వివేకా హత్యపై సీఎం జగన్ వ్యాఖ్యలను రాష్ట్ర ప్రజలను అర్థం చేసుకున్నారని తెలిపారు. చంద్రబాబు వివేకా హత్యకు ముందు జరిగిన విషయాలను మరుగున పడేశారన్నారు. వైఎస్ వివేకా హత్యకు కారణమైన టీడీపీ శుత్రపక్షంలో చేరి షర్మిల, సునీత తప్పు చేశారని అభిప్రాయం వ్యక్తం చేశారు. షర్మిల, సునీత రెడ్డిలకు తెలివి లేదని ఎద్దేవా చేశారు.