Posani Krishna Murali on Pawan Kalyan : పోసాని సంచలన వ్యాఖ్యలు

దిశ, వెబ్‌డెస్క్: జనసేన చీఫ్ పవన్ కల్యాణ్‌పై సినీ నటుడు, ఏపీ ఫిలిమ్ కార్పొరేషన్ డెవలప్ మెంట్ చైర్మన్ పోసాని కృష్ణమురళి సంచలన వ్యాఖ్యలు చేశారు. వాలంటీర్లను తిడితే వారి కుటుంబ సభ్యులు బాధ పడరా అని ప్రశ్నించారు. వాలంటీర్లలో ఆడవాళ్లు ఉంటారు. ఆడవాళ్లపై అగౌరవంగా మాట్లాడటం పవన్ కు తగదన్నారు. వాలంటీర్ల వ్యవస్థ చాలా గొప్పదన్నారు. భీమవరంలో పవన్ ఓటమికి టీడీపీయే కారణమన్నారు.

పవన్‌ను టీడీపీ వాళ్లు పొరపాటున కూడా సీఎం కానివ్వరన్నారు. పవన్ కల్యాణ్ చంద్రబాబు గుప్పిట్లో ఉన్నాడన్నారు. పవన్ కల్యాణ్‌ను ఓడించేందుకు టీడీపీ రూ.15 కోట్లు ఖర్చు చేసిందన్నారు. ఇండస్ట్రీలో ఆడవాళ్లను తిట్టినప్పుడు పవన్ కల్యాణ్ ఏం చేశారు అని పోసాని ఫైర్ అయ్యారు. పవన్ కల్యాణ్ తరపున చిరంజీవి చాలామందికి సారీ చెబుతున్నారన్నారు. పవన్ కల్యాణ్‌కు విలువలు ఉంటే వాలంటీర్లకు వెంటనే క్షమాపణ చెప్పాలన్నారు. 

Read more : లెక్క తప్పింది.. పవన్​ వ్యాఖ్యల పై వాలంటీర్ల నిరసన..