దువ్వాడ శ్రీనివాస్ ఫ్యామిలీ వివాదంలో యాక్షన్ షురూ.. కేసులు నమోదు

దిశ, వెబ్ డెస్క్: వైసీపీ నేత దువ్వాడ శ్రీనివాస్ ఫ్యామిలీ వివాదంపై పోలీసులు కేసులు నమోదు చేశారు. దువ్వాడ శ్రీనివాస్ మరో మహిళలతో అక్రమంగా ఉంటున్నారని శ్రీకాకుళం జిల్లా టెక్కలిలో ఆయన భార్య వాణి ఆందోళన చేసిన విషయం తెలిసిందే. దువ్వాడ శ్రీనివాస్ నివాసం  వద్ద భార్య వాణి నిరసన తెలిపిన నేపథ్యంలో జరిగిన ఘటనలపై పోలీసులు కేసులు నమోదు చేశారు. దువ్వాడ శ్రీనివాస్, ఆయన భార్య వాణి పరస్పరం ఫిర్యాదు చేశారు. దువ్వాడ శ్రీనివాస్ చేసిన ఫిర్యాదుపై వాణి, కుమార్తె హైందవితో పాటు మరికొందరిపై 329 (3), 324 (4), 351 (2) R/w 3(5) సెక్షన్ల కింద పోలీసులు కేసు నమోదు చేశారు. అలాగే వాణి చేసిన ఫిర్యాదుతో దువ్వాడ శ్రీనివాస్, ఆయన సోదరుడు శ్రీధర్‌పై 329 (4), 351 (2), 126 (2) రెడ్ విత్ 3 ఆఫ్ 5 సెక్షన్ల ప్రకారం పోలీసులు కేసు నమోదు చేశారు. ఈ మేరకు నోటీసులు జారీ చేశారు.