Nagulachavithi: నాగులచవితికి శ్రీవారికి ప్రత్యేక వాహన సేవ
నవంబర్ 5న నాగుల చవితి సందర్భంగా శ్రీవారికి పెద్దశేషవాహన సేవ నిర్వహించనున్నట్లు టీటీడీ వెల్లడించింది. నవంబర్ 15న గరుడ వాహనసేవ నిర్వహించనుంది.
దిశ, వెబ్ డెస్క్: కార్తీక మాసం ప్రారంభమైంది. దేశవ్యాప్తంగా ఉన్న ప్రసిద్ధ ఆలయాల్లో ప్రత్యేక పూజలు జరుగుతున్నాయి. కార్తీకమాసంలో వచ్చే మరో పండుగ నాగులచవితి. ఈ రోజున నాగదేవతకు ప్రత్యేక పూజలు చేస్తారు. నవంబర్ 5న నాగుల చవితి (Nagulachavithi) సందర్భంగా తిరుమలలో శ్రీవారికి ప్రత్యేక వాహన సేవ నిర్వహించనున్నట్లు వెల్లడించింది టీటీడీ (TTD). మంగళవారం స్వామివారికి పెద్దశేష వాహనసేవ నిర్వహించనున్నారు.
అలాగే నవంబర్ 8న పుష్పయాగానికి (Pushapa Yagam) అంకురార్పణ చేయనున్నారు. 9న మలయప్పస్వామికి పుష్పార్చన నిర్వహిస్తారు. నవంబర్ 13న సూర్యోదయానికి ముందే ఉగ్రశ్రీనివాసమూర్తి.. శ్రీదేవి భూదేవి సమేతంగా తిరుమాడ వీధుల్లో ఊరేగనున్నారు. నవంబర్ 15న కార్తీక పౌర్ణమి సందర్భంగా స్వామివారు గరుడ వాహనంపై ఊరేగుతూ.. భక్తులకు దర్శనమివ్వనున్నారు.