ఆ రోజే ‘పొలం పిలుస్తోంది’ కార్యక్రమం..మంత్రి కీలక ప్రకటన!

దిశ,వెబ్‌డెస్క్: ఏపీలో టీడీపీ కూటమి ప్రభుత్వం ఏర్పాటు అయింది. దీంతో సీఎం చంద్రబాబు రాష్ట్రాభివృద్ధిపై ప్రత్యేక ఫోకస్ పెట్టారు. ఈ క్రమంలో కూటమి మంత్రులు పలు కార్యక్రమాలు చేపడుతున్నారు. ఈ నేపథ్యంలో మంత్రి అచ్చెన్నాయుడు కీలక ప్రకటన జారీ చేశారు. ఈ సందర్భంగా మంత్రి ఏపీ రైతులకు శుభవార్త చెప్పారు. ‘పొలం పిలుస్తోంది’ కార్యక్రమం ఈ నెల 23 నుంచి నిర్వహిస్తున్నట్లు మంత్రి అచ్చెన్నాయుడు తెలిపారు. ఈ నేపథ్యంలో ఇకపై సాగు విషయంలో రైతులకు శాస్త్రీయ అంశాలపై అవగాహన కల్పించనున్నట్లు తెలిపారు. రాష్ట్ర ప్రభుత్వం వ్యవసాయ శాఖ ద్వారా భూసార పరీక్షలు నిర్వహించి వాటి ఆధారంగా ఎరువులు వాడేలా రైతులకు అవగాహన కల్పిస్తామని తెలిపారు. రైతుల ఆత్మహత్యలు జరగకుండా ప్రత్యేక చర్యలు తీసుకుంటామని మంత్రి తెలిపారు. రైతు సంక్షేమం కోసం కూటమి ప్రభుత్వం కృషి చేస్తాదని స్పష్టం చేశారు.