నిరుద్యోగులకు భారీ శుభవార్త.. 6100 పోస్టుల భర్తీకి నోటిఫికేషన్..!

దిశ, వెబ్ డెస్క్: నిరుద్యోగులకు ఆంధ్రప్రదేశ్(Andhra Pradesh) ప్రభుత్వం భారీ శుభవార్తను అందించింది. గత ప్రభుత్వం హయాంలో నిలిచిపోయిన 6100 కానిస్టేబుల్(Constable) పోస్టుల భర్తీ నోటిఫికేషన్‌ను తిరిగి ప్రారంభించేందుకు కసరత్తు మొదలైనట్లు రాష్ట్ర పోలీస్‌ రిక్రూట్‌మెంట్‌ బోర్డు (ap slrb) ఇన్‌ఛార్జి ఛైర్మన్‌ తెలిపారు. ఈ సంవత్సరం డిసెంబర్ లో ఫిజికల్‌ టెస్ట్‌ నిర్వహించేందుకు ఏర్పాట్లు చేస్తున్నారు. 2022 లో 6100 కానిస్టేబుల్ పోస్టుల భర్తీకి నోటిఫికేషన్ విడుదల కాగా.. గత సంవత్సరం జనవరిలో ప్రిలిమినరీ పరీక్ష నిర్వహించారు. 4,59,182 మంది ఈ ప్రిలిమినరీ పరీక్షకు హాజరయ్యారు. ఇందులో 95,208 మంది అభ్యర్థులు అర్హత సాధించారు. అనంతరం పలు కారణాలతో.. కానిస్టేబుల్‌(Constable) పోస్టుల భర్తీ ప్రక్రియను అర్ధాంతరంగా నిలిపివేశారు. కాగా అసెంబ్లీ ఎన్నికల అనంతరం రాష్ట్రంలో కూటమి ప్రభుత్వం అధికారంలోకి వచ్చాక.. ఈనెల11 నుంచి 21వ తేదీ సాయంత్రం 5 గంటల వరకు slrb.ap.gov.in వెబ్‌సైట్‌లో దరఖాస్తు చేసుకునేందుకు ప్రభుత్వం అవకాశం కల్పించింది.