ఘోర రోడ్డు ప్రమాదం.. ముగ్గురు మహిళలు మృతి

దిశ, వెబ్ డెస్క్: శనివారం తెల్లవారుజామున జరిగిన రోడ్డు ప్రమాదం(road accident)లో ముగ్గురు మహిళలు అక్కడికక్కడే మృతి చెందారు. ఈ ఘోరమైన రోడ్డు ప్రమాదం ఆంధ్రప్రదేశ్ రాష్ట్రంలోని కర్నూలు(Kurnool) జిల్లాలో చోటు చేసుకుంది. నందవరం మండలం ధర్మపురం(Dharmapuram) దగ్గర వేగంగా వెళ్తున్న కారు.. ఆటోను ఢీ కొట్టింది. ఈ ప్రమాదంలో ఆటోలో ఉన్న ముగ్గురు మహిళలకు తీవ్ర గాయాలు కావడంతో అక్కడిక్కడే మృతి చెందారు. మరో ఇద్దరికి కూడా తీవ్రంగా గాయాలు కావడంతో ఆస్పత్రికి తరలించి చికిత్స అందిస్తున్నట్లు తెలుస్తొంది. కాగా ఈ ప్రమాదానికి సంబంధించిన పూర్తి వివరాలు తెలియాల్సి ఉంది.