అమల్లోకి ఎన్నికల నోటిఫికేషన్.. సీఎం చంద్రబాబు పర్యటన రద్దు

దిశ, వెబ్ డెస్క్: ఆంధ్రప్రదేశ్(Andrapradesh) రాష్ట్రంలోని విజయనగరం(vijayanagaram) స్థానిక సంస్థల ఎమ్మెల్సీ(MLC) ఉప ఎన్నికకు(By-election) షెడ్యూల్ వెలువడింది. దీంతో ఈ రోజు జిల్లాలో పర్యటించనున్న సీఎం చంద్రబాబు(CM Chandrababu) నాయుడు పర్యటనను రద్దు చేసుకున్నట్లు తెలుస్తోంది. ఈ క్రమంలో విజయంనగరం పర్యటనకు బదులుగా.. నేడు సీఎం చంద్రబాబు నాయుడు అనకాపల్లి, విశాఖ పట్టణం జిల్లాలో పర్యటించనున్నారు. ఈ పర్యటనలో భాగంగా.. చింతల గోరువాని పాలెంలో లారెస్ సంస్థ నిర్వహిస్తున్న కార్యక్రమంలో సీఎం పాల్గోననున్నారు. ఇక్కడ కార్యక్రమం పూర్తవ్వగానే.. అనకాపల్లి జిల్లాలోని వెన్నెలపాలెంలో.. గత ప్రభుత్వం నిర్లక్ష్యం కారణంగా అద్వాన్నంగా మారిన రోడ్లపై గుంతలు పూడ్చే కార్యక్రమాన్ని సీఎం(CM) ప్రారంభించనున్నారు. ఈ కార్యక్రమం అనంతరం విశాఖ బీచ్ రోడ్డులో ఉన్న రుషికొండ భవనాలను పరిశీలించనున్నారు.