రాంగోపాల్ వర్మ పెద్ద వెధవ: నాగబాబు సంచలన వ్యాఖ్యలు

దిశ, వెబ్‌డెస్క్: వైసీపీ నేతలపై నటుడు, జనసేన నేత నాగబాబు తీవ్ర విమర్శలు చేశారు. జనసేన అధినేత పవన్ కల్యాణ్‌కు ప్యాకేజ్ తీసుకున్నాడని వైసీపీ నేతలు అంటున్నారని.. అలాంటప్పుడు ప్యాకేజ్ ఎవరు ఇచ్చారో చెప్పాలని డిమాండ్ చేశారు. వైసీపీ నేతల తాతల వచ్చి పవన్ కల్యాణ్‌కు ప్యాకేజ్ ఇచ్చారా అని మండిపడ్డారు. ఒక్క సినిమాకు కోట్ల రెమ్యునరేషన్ తీసుకునే పవన్‌కు ప్యాకేజ్ అవసరమా అని ప్రశ్నించారు. కాపు కులాన్ని తాకట్టు పెట్టే హక్కు మాకు ఎక్కడుందన్నారు. ఇష్టం వచ్చినట్లు ట్వీట్లు చేసే రాంగోపాల్ వర్మ ఓ పెద్ద వెధవ అని ఘాటు విమర్శలు చేశారు. అవసరం కోసం వర్మ ఎంతకైనా నీచానికైనా దిగజారుతాడన్నారు. కాగా, పవన్, చంద్రబాబుల భేటీపై ''ప్యాకేజ్ కోసం కాపులను తాకట్టు పెట్టావు'' అని పవన్ కల్యాణ్‌ను ఉద్దేశిస్తూ రాంగోపాల్ వర్మ ఇన్ డైరెక్ట్‌గా ట్వీట్ చేసిన విషయం తెలిసిందే.