పార్లమెంట్‌లో విపక్షాల తీరుపై ఎంపీ పురంధేశ్వరి ఫైర్

దిశ, వెబ్ డెస్క్: గత నాలుగు రోజులుగా భారత పార్లమెంట్‌(Parliament)లో ప్రతిపక్షాల(Opposition parties) అందోళన కొనసాగుతూనే ఉంది. మొదట అదానీ వ్యవహారంపై చర్చకు పట్టుబడుతూ నిరసనలు తెలిపిన ప్రతిపక్షాలు తాజాగా జమిలి ఎన్నికల బిల్లుకు వ్యతిరేకంగా ఆందోళనలు చేస్తున్నారు. కాగా లోక్ సభలో ప్రతిపక్ష పార్టీల తీరును బీజేపీ ఎంపీ పురందేశ్వరి(MP Purandheswari) తప్పు బట్టారు. జమిలి ఎన్నికల బిల్లు(Jamili Election Bill)పై ప్రతిపక్షాల ఆందోళనలు సరికాదనని, జమిలి బిల్లుపై పార్లమెంట్‌లో ఓటింగ్ జరిగిందని, రూల్స్ ప్రకారం.. బిల్లును జేపీసీకి పంపినట్లు గుర్తు చేశారు. అలాగే అన్ని రాజకీయ పార్టీలు, ప్రజల అభిప్రాయాలు సేకరించిన తర్వాత.. మళ్లీ పార్లమెంట్‌లో జమిలి బిల్లుపై ఓటింగ్ జరుగుతుందని ఈ సందర్భంగా పురంధేశ్వరి చెప్పుకొచ్చారు.