పవన్ కల్యాణ్ సినిమాల్లోనే హీరో.. రాజకీయాల్లో జీరో: మంత్రి జోగి రమేష్ సెటైర్

దిశ, వెబ్‌డెస్క్: జనసేన అధినేత పవన్ కల్యాణ్‌పై మంత్రి జోగి రమేష్ ఫైర్ అయ్యారు. పవన్ కల్యాణ్ సినిమాల్లో హీరో అని.. సినిమాల్లో మాత్రం ఆయన జీరో అని ఎద్దేవా చేశారు. స్కిల్ డెవలప్మెంట్ కేసులో అరెస్ట్ అయి జైలులో ఉన్న చంద్రబాబును పరామర్శించడానికి వెళ్లి పొత్తుల గురించి మాట్లాడుతారా అని ప్రశ్నించారు. బీజేపీతో ఉంటూ టీడీపీతో పొత్తు పెట్టుకుంటారా అని ఆయన నిలదీశారు. స్కిల్ డెవలప్మెంట్ కేసులో పవన్ కల్యాణ్ వాటా ఎంతో చెప్పాలని మంత్రి సంచలన వ్యాఖ్యలు చేశారు. చంద్రబాబు చేసిన పాపం పండింది కాబట్టే జైలు తప్పలేదన్నారు. పవన్ కల్యాణ్ సీఎం జగన్‌పై యుద్ధం అంటే.. యావత్ 5కోట్ల మంది ఏపీ ప్రజలపైనే యుద్ధం అని అన్నారు. ఎంత మంది కలిసి వచ్చిన వచ్చే ఎన్నికల్లో జగన్‌దే విజయమని దీమా వ్యక్తం చేశారు. కాగా, స్కిల్ డెవలప్మెంట్ కేసులో చంద్రబాబు అరెస్ట్, రిమాండ్‌పై వైసీపీ, టీడీపీ, జనసేన నేతల మధ్య మాటల యుద్ధం సాగుతోంది.