Nara Lokesh ఓ లీడరా..? ఆయనదో పాదయాత్రా..!

దిశ, వెబ్ డెస్క్: టీడీపీ జాతీయ ప్రధాన కార్యదర్శి నారా లోకేశ్‌పై మంత్రి జోగి రమేశ్ ఆగ్రహం వ్యక్తం చేశారు. యువగళం పాదయాత్రలో సీఎం జగన్‌పై నారా లోకేశ్ చేస్తున్న విమర్శలపై ఆయన కౌంటర్ ఇచ్చారు. నారా లోకేశ్ ఓ లీడరా అని, ఆయనదో పాదయాత్రా అని ఎద్దేవా చేశారు. లోకేశ్ డబ్బుంటే సరిపోదని.. ఖలేజా ఉండాలని సూచించారు. చంద్రబాబు, లోకేశ్ ఇద్దరు ప్రస్ట్రేషన్‌లో ఉన్నారని విమర్శించారు. వార్డు మెంబర్‌గా కూడా గెలవని లోకేశ్.. సీఎం జగన్‌పై ఇష్టమొచ్చినట్లు మాట్లాడతారా అని ప్రశ్నించారు. దమ్మున్న నాయకుడికి ప్రత్యక్ష ఉదాహరణ సీఎం జగన్ అని మంత్రి జోగి రమేశ్ పేర్కొన్నారు.

కాగా నారా లోకేశ్ పాదయాత్ర చిత్తూరులో జిల్లాలో కొనసాగుతోంది. శుక్రవారం శ్రీకాళహస్తిలో సభ నిర్వహించారు.  ఈ సందర్భంగా సీఎం జగన్‌పై ఆగ్రహం వ్యక్తం చేశారు. యువగళం దెబ్బకు జగన్ రెడ్డికి జ్వరం వచ్చిందని, అందుకే తన పాదయాత్రపై ఆంక్షలు విధిస్తూ అడ్డుకుంటున్నాడని లోకేశ్ మండిపడ్డారు. నిత్యం తన పాదయాత్రను అడ్డుకునేందుకు ప్రయత్నిస్తున్నాడని ఆయన తెలిపారు. ఇందులో భాగంగానే పోలీసులకు సీఎం జగన్ బంపరాఫర్లు ఇస్తున్నారని  విమర్శించారు. పోలీసులు తన సౌండ్ వెహికల్ లాక్కుంటే అవార్డు...మైకు లాక్కుంటే రివార్డు...స్టూల్ లాక్కుంటే ప్రమోషన్ అని జగన్ రెడ్డి ఆఫర్లు పెట్టాడని ఎద్దేవా చేశారు. తన పాదయాత్ర ఆపడానికి 20మంది ఎస్ఐలు, 10 మంది సీఐలు, ఆరుగురు డీఎస్పీలు, వజ్ర వాహనం, టియర్ గ్యాస్, వందలాది ఇంటెలిజెన్స్ అధికారులను పెట్టారని మండిపడ్డారు. లోకేశ్ పేరు చెబితే వైసీపీ నాయకులకు ఫ్యాంటులు తడిసిపోతున్నాయని ఎద్దేవా చేశారు