జగన్ పిచ్చికి లండన్ డోస్ సరిపోదు.. ఆ మందుతోనే తగ్గుద్ది: నారా లోకేశ్

దిశ, డైనమిక్ బ్యూరో : అధికార మదమెక్కిన సీఎం వైఎస్ జగన్‌కు పిచ్చి పట్టిందని టీడీపీ జాతీయ ప్రధాన కార్యదర్శి నారా లోకేశ్ ఆరోపించారు. ఆ పిచ్చి తగ్గాలంటే లండన్ డోసు సరిపోదంటూ కీలక వ్యాఖ్యలు చేశారు. సైకో పోయి సైకిల్ వచ్చినప్పుడు జగన్ పిచ్చి కుదురుతుందని లోకేశ్ అన్నారు. వైఎస్ జగన్ అధికారంలోకి వచ్చినప్పటి నుంచి విధ్వంసంతోనే పరిపాలన చేస్తున్నాడని మండిపడ్డారు. ప్రజావేదికను కూల్చి అమరావతిని నాశనం చేశాడని లోకేశ్ ధ్వజమెత్తారు.ఈ రాష్ట్రంలో చంద్రబాబు కట్టినది ఏదీ మిగలకూడదని భావిస్తున్నాడని ఆరోపించారు. సైకో జగన్ విధ్వంసంతో ఆంధ్రప్రదేశ్ రాష్ట్రం 30 ఏళ్లు వెనక్కి వెళ్లిందని టీడీపీ జాతీయ ప్రధాన కార్యదర్శి నారా లోకేశ్ అన్నారు.