Breaking: గుడ్లవల్లేరు కాలేజ్ దగ్గర ఉద్రిక్తత.. లోపలికి వెళ్లేందుకు వైసీపీ నేతల యత్నం

దిశ, వెబ్ డెస్క్: గుడ్లవల్లేరు ఇంజినీరింగ్ కాలేజ్ దగ్గర ఉద్రిక్తత చోటు చేసుకుంది. కాలేజీ హాస్టల్ బాత్ రూమ్‌లో హిడెన్ కెమెరాల వ్యవహారంపై వైసీపీ నేతలు పేర్ని కిట్టు, ఉప్పలపాటి హారిక, వరుదు కల్యాణి ఆందోళనకు దిగారు. కాలేజీ మెయిన్ గేటు వద్ద నిరసన వ్యక్తం చేశారు. కాలేజీలోకి వెళ్లేందుకు యత్నించారు. దీంతో వారిని పోలీసులు అడ్డుకున్నారు. ఈ క్రమంలో పోలీసులు- వైసీపీ నేతల వాగ్వాదం చోటు చేసుకుంది.

మరోవైపు కాలేజీలో జరిగిన ఘటనపై ప్రత్యేక బృందాలు ముమ్మరంగా దర్యాప్తు చేపట్టారు. హాస్టల్‌లో క్షుణ్ణంగా పరిశీలించారు. డాగ్ స్క్వాడ్‌తోనూ సోదాలు నిర్వహించారు. అటు విద్యార్థులు ఆందోళనను కొనసాగిస్తున్నారు. నిందితులపై చర్యలు తీసుకోవాలంటూ డిమాండ్ చేస్తున్నారు. ఈ క్రమంలో వైసీపీ నేతలు రావడంతో కాలేజీ వద్ద టెన్షన్ వాతావరణం నెలకొంది.