నా స్నేహితుడికి జన్మదిన శుభాకాంక్షలు.. చంద్రబాబు ట్వీట్ వైరల్

దిశ, వెబ్‌డెస్క్: ఈరోజు తమిళ సూపర్ స్టార్ రజినీకాంత్ పుట్టినరోజు. ఈ సందర్భంగా.. ఆయన అభిమానులు, సినీ ప్రముఖులతో పాటు రాజకీయ నేతలు కూడా రజినీకాంత్‌కు జన్మదిన శుభాకాంక్షలు తెలుపుతున్నారు. ఈ క్రమంలోనే టీడీపీ అధినేత చంద్రబాబు నాయుడు కూడా తన బెస్ట్ విషెస్‌ను తెలియజేశారు. ఈ మేరకు ‘నా ప్రియ మిత్రుడు సూపర్‌స్టార్ రజినీకాంత్‌కు జన్మదిన శుభాకాంక్షలు. మంచి ఆరోగ్యం, ఆనందంతో పాటు అన్ని ప్రయత్నాలలో మీరు విజయం పొందాలని కోరుకుంటున్నాను’ అంటూ ట్వీట్ చేశారు. ఈ ట్వీట్ ప్రస్తుతం నెట్టింట వైరల్‌గా మారింది. కాగా.. సూపర్ స్టార్ రజినీకాంత్, టీడీపీ అధినేత చంద్రబాబుకు అత్యంత సాన్నిహిత్యం ఉన్న సంగతి తెలిసిందే. చాలా సార్లు రజినీ కాంత్ చంద్రబాబు గురించి మాట్లాడుతూ ఆయనపై ప్రశంసలు కురింపించారు.