దేశంలోనే రిచెస్ట్ సీఎంగా చంద్రబాబు.. మాజీ మంత్రి రోజా షాకింగ్ కామెంట్స్

దిశ, వెబ్‌డెస్క్: దేశంలోని సంపన్న ముఖ్యమంత్రుల జాబితాలో ఏపీ సీఎం చంద్రబాబు(Chandrababu) టాప్ ప్లేస్‌లో నిలిచిన విషయం తెలిసిందే. రూ.931 కోట్ల సంపదతో మొదటి స్థానం దక్కించుకున్నారు. ‘అసోసియేషన్ ఫర్ డెమొక్రటిక్ రిఫార్మ్స్’ (ADR) సంస్థ విడుదల చేసిన నివేదికలో విషయం రివీల్ చేశారు. చంద్రబాబుకు రూ.931 కోట్ల ఆస్తులతో పాటు రూ.10 కోట్ల అప్పులు కూడా ఉన్నాయని ఈ నివేదిక పేర్కొంది. తాజాగా.. ఈ జాబితాపై వైసీపీ నాయకురాలు, మాజీ మంత్రి రోజా(RK Roja) స్పందించారు. ‘ఏడీఆర్ రిపోర్ట్ ప్రకారం దేశంలోనే రిచెస్ట్ సీఎంగా చంద్రబాబు నిలిచారు. ఎలాంటి అవినీతి చేయకుండా చంద్రబాబుకు ఇది ఎలా సాధ్యమైంది. రెండు ఎకరాల ఆసామి కొడుకు అయిన చంద్రబాబు.. ఇవాళ ఇన్ని వందల కోట్లకు అధిపతి ఎలా అయ్యారు’ అని రోజా ప్రశ్నల వర్షం కురిపించారు.