AP News:నేడు తాడేపల్లికి మాజీ సీఎం వైఎస్ జగన్

దిశ,వెబ్‌డెస్క్: వైసీపీ అధినేత, మాజీ సీఎం వైఎస్ జగన్ నేడు (మంగళవారం) తాడేపల్లికి చేరుకోనున్నారు. ఆయన సాయంత్రం నాలుగు గంటలకు బెంగళూరు నుంచి విజయవాడకు చేరుకున్నారు. కొద్ది రోజుల క్రితం బెంగళూరు వెళ్లిన జగన్ ఇవాళ తాడేపల్లికి రానుండటంతో ఆయనకు పెద్ద ఎత్తున స్వాగతం పలికేందుకు పార్టీ నేతలు ఏర్పాట్లు చేశారు. ఈ క్రమంలో గన్నవరం విమానాశ్రయంలో పోలీసుల పట్ల వైసీపీ కార్యకర్తలు దురుసుగా ప్రవర్తించారు. తాజాగా బెంగళూరు నుంచి గన్నవరం విమానాశ్రయం వచ్చిన జగన్, భారతిలకు స్వాగతం పలికేందుకు పార్టీ కార్యకర్తలు ఎయిర్‌పోర్టుకు వచ్చారు. అయితే జగన్‌కు భద్రతగా వచ్చిన గన్నవరం ఎస్‌ఐ భుజంపై చేయి వేసి వైసీపీ కార్యకర్తలు ఉద్దేశపూర్వకంగా తోసేశారని సమాచారం.