Fire Accedent: ఇంట్లోనే బాణాసంచా తయారీ.. అగ్నిప్రమాదం జరగడంతో ఇద్దరు మృతి

దిశ, డైనమిక్ బ్యూరో: ఆంధ్రప్రదేశ్ లో బాణాసంచా తయారీ కేంద్రంలో అగ్నిప్రమాదం సంబవించింది. ఈ ఘటనలో ఇద్దరు మృతి చెందగా.. మరో వ్యక్తికి తీవ్ర గాయాలయ్యాయి. చిత్తూరు జిల్లాలోని గంగవరం మండలంలో ఖాదర్ భాషా అనే వ్యక్తి బాణా సంచా తయారీ కేంద్రం నిర్వహిస్తున్నాడు. ఇందులో ఒక్కసారిగా భారీ పేలుడు సంభవించడంతో అగ్రిప్రమాదం జరిగింది. ఈ ఘటనలో ఖాదర్ భాషాతో పాటు ఆయన భార్య గాయాలతో అక్కడికక్కడే మృతి చెందారు. ఖాదర్ భాషా కూమారుడికి తీవ్ర గాయాలు కాగా.. ఆసుపత్రిలో చికిత్స పొందుతున్నాడు. ప్రస్తుతం అతడి పరిస్థితి కూడా విషమంగా ఉన్నట్లు సమాచారం అందింది. ఘటనపై సమాచారం అందుకున్న పోలీసులు ఘటనా స్థలానికి చేరుకొని ప్రమాదానికి సంబందించిన కారణాలపై ఆరా తీస్తున్నారు. అయితే ఇందులో ఆశ్చర్యకరమైన విషయం వెలుగులోకి వచ్చింది. ప్రమాదంలో మరణించిన ఖాదర్ భాషా బాణాసంచా విక్రయ లైసెన్స్ తో ఏకంగా బాణాసంచా తయారీ కేంద్రాన్ని నడుపుతున్నట్లు పోలీసులు గుర్తించారు. ఘటనపై కేసు నమోదు చేసుకున్న పోలీసులు ప్రమాదానికి పటాకుల తయారీకి ఉపయోగించే నల్లమందే కారణమా లేక మరేదైనా ఉందా అనే కోణంలో విచారణ జరుపుతున్నారు.