Breaking: తమిళనాడులో ఘోర రోడ్డు ప్రమాదం.. ఐదుగురు ఏపీ విద్యార్థుల మృతి

దిశ, వెబ్ డెస్క్: తమిళనాడు రాష్ట్రం తిరువళ్లూరు జిల్లా రామంజేరిలో ఘోర రోడ్డు ప్రమాదం జరిగింది. కంటైనర్ ట్రక్కును ఎదురుగా వచ్చి కారు ఢీకొట్టింది. ఈ ఘటనలో ఐదుగురు విద్యార్థులు మృతి చెందారు. మరో ఇద్దరికి గాయాలయ్యాయి. మృతులంతా ప్రకాశం జిల్లా ఒంగోలుకు చెందిన వారిగా గుర్తించారు. అయితే వీరంతా చెన్నై లోని ఓ ప్రైవేటు కాలేజీలో ఇంజినీరింగ్ థర్డ్ ఇయర్ చదువుతున్నట్లు తెలిసింది. ఒంగోలు నుంచి తిరువళ్లూరుకు విద్యార్థులు వెళ్తుండగా చెన్నైకు 65 కిలో మీటర్ల దూరంలో ప్రమాదానికి గురయ్యారు. మృతులు నితీశ్ వర్మ, చేతన్ , యుగేశ్, నితీశ్, రామ్మోహన్ రెడ్డిగా క్షతగాత్రులు చైతన్య, విష్ణుగా గుర్తించారు. విషయం తెలుసుకున్న పోలీసులు సంఘటనా స్థలాన్ని పరిశీలించారు. మృతుల మృతదేహాలను పోస్టుమార్టంకు తరలించారు. మృతుల కుటుంబాలకు సమాచారం అందజేశారు. అతివేగమే ప్రమాదానికి కారణమని అంచనా వేశారు. కేసు నమోదు చేసి దర్యాప్తు చేస్తున్నారు.