ఘోర రోడ్డు ప్రమాదం.. ట్రాక్టర్‌ను బస్సు ఢీకొట్టడంతో నలుగురు మృతి

దిశ, వెబ్‌డెస్క్: వేగంగా వెళ్తున్న బస్సు ట్రాక్టర్ ను ఢీకొట్టడంతో నలుగురు అక్కడికక్కడే మృతి చెందారు. ఈ ఘోరమైన సంఘటన అంబేద్కర్ కోనసీమ జిల్లా.. పి. గన్నవరంలో చోటు చేసుకుంది. ఈ ప్రమాదంలో నలుగురు మృతి చెందగా మరో ఇద్దరికి తీవ్ర గాయాలయ్యాయి. భారీ శబ్దంతో ప్రమాదం జరగడంతో అక్కడే ఉన్న స్థానికులు సంఘటనా స్థలానికి చేరుకుని పోలీసులకు సమాచారం అందించారు. హుటాహుటిన పోలీసులు సంఘటన స్థలానికి చేరుకుని క్షతగాత్రులను చికిత్స నిమిత్తం స్థానిక ఆస్పత్రికి తరలించారు. అలాగే ఈ ప్రమాదంలో మృతి చెందిన వారిని శివ, సూర్యప్రకాశ్, కట్లయ్య, పండుగా గుర్తించారు. కాగా ఈ ప్రమాదానికి సంబంధించి పూర్తి వివరాలు తెలియాల్సి ఉంది.