శ్రీ పద్మావతి అమ్మవారిని దర్శించుకున్న డీజీపీ

దిశ, తిరుచానూరు:శ్రీ పద్మావతి అమ్మవారిని దర్శించుకోవడం చాలా సంతోషకరంగా ఉందని డీజీపీ ద్వారకా తిరుమల రావు హర్షం వ్యక్తం చేశారు. తిరుచానూరు శ్రీ పద్మావతి అమ్మవారిని డీజీపీ ద్వారకా తిరుమలరావు ఆదివారం కుటుంబ సమేతంగా దర్శించుకున్నారు. ముందుగా ఆలయం వద్ద చేరుకున్న డీజీపీకి తిరుపతి ఎస్పీ హర్షవర్ధన్ రాజు, టీటీడీ చీఫ్ విజిలెన్స్ సెక్యూరిటీ ఆఫీసర్ నరసింహ కిషోర్ డిప్యూటీ ఈవో గోవిందరాజన్ ఆలయ అర్చకులు ఘన స్వాగతం పలికారు.

ధ్వజస్తంభానికి మొక్కులు తీర్చుకున్న అనంతరం మూల మూర్తిని దర్శించుకున్నారు. అర్చకులు శేష వస్త్రంతో సత్కరించగ ఆశీర్వాద మండపంలో వేద పండితులు వేద ఆశీర్వచనం చేశారు. ఆలయ అధికారులు తీర్థప్రసాదాలు అందజేశారు. ఈ కార్యక్రమంలో వీజీవో బాలిరెడ్డి, ఏఈవో రమేష్,ఆలయ సీనియర్ అర్చ‌కులు బాబుస్వామి, ఆగమ సలహాదారులు మణికంఠ స్వామి, సూపరింటెండెంట్ శేషగిరి, చంద్రశేఖర్, ఏవీఎస్‌వో సతీష్ కుమార్, ఇన్స్పెక్టర్ ప్రసాద్, గణేష్, భాస్కర్, తదితరులు పాల్గొన్నారు.