AP News:సీఎం చంద్రబాబుకు ప్రత్యేక ధన్యవాదాలు తెలిపిన డిప్యూటీ సీఎం.. కారణం ఏంటంటే?

దిశ, వెబ్‌డెస్క్: ఏపీ డిప్యూటీ సీఎం పవన్ కళ్యాణ్ సీఎం చంద్రబాబుకు(CM Chandrababu) ప్రత్యేక ధన్యవాదాలు తెలిపారు. ఎన్డీయే కూటమి ప్రభుత్వం ఏర్పాటు అయినప్పటి నుంచి ప్రజా సంక్షేమం దిశగా అడుగులు వేస్తోంది. సీఎం చంద్రబాబు ఎన్నికల్లో ఇచ్చిన హామీలను ఒక్కొక్కటిగా అమలు చేసేందుకు ప్రణాళికలు సిద్ధం చేస్తున్నారు. ఈ క్రమంలో తాజాగా పశ్చిమ గోదావరి జిల్లా నరసాపురం డంపింగ్ యార్డ్ సమస్య పరిష్కరించడం పై డిప్యూటీ సీఎం పవన్ కళ్యాణ్(Pawan Kalyan) హర్షం వ్యక్తం చేశారు.

ఈ నేపథ్యంలో ఎన్నికల హామీ మేరకు నిధులు కేటాయించి ప్రజల ఆరోగ్యాన్ని కాపాడిన ముఖ్యమంత్రికి డిప్యూటీ సీఎం పవన్ కృతజ్ఞతలు తెలిపారు. సమస్యను ముఖ్యమంత్రి దృష్టికి తీసుకెళ్లిన రెండ్రోజుల్లోనే రూ.1.74కోట్లు మంజూరు చేయడం ఆయన నిబద్ధతకు(commitment) నిదర్శనమని పవన్ కళ్యాణ్ కొనియాడారు. ఈ మేరకు డంపింగ్ యార్డ్(Dumping yard) సమస్య పరిష్కారానికి కృషి చేసిన నరసాపురం మున్సిపాలిటీ అధికారులు, సిబ్బందికి ఎక్స్ వేదికగా డిప్యూటీ సీఎం అభినందనలు తెలిపారు.