మోసగాళ్ల కూటమిని ఓడించండి.. సీఎం జగన్ సంచలన పిలుపు

దిశ, వెబ్ డెస్క్: నెల్లూరు జిల్లా కావలిలో సీఎం జగన్ మోహన్ రెడ్డి ‘మేమంతా సిద్ధం’ బస్సు యాత్ర నిర్వహించారు. ఈ సందర్బంగా ఏర్పాటు చేసిన సభలో ఆయన ప్రసంగించారు. కావలిలో జన ప్రభంజనం కనిపిస్తోందన్నారు. మరో ఐదు వారాల్లో ఎన్నికలు జరగబోతున్నాయని, మంచి చేసిన తనకు మద్దతు ఇవ్వాలని కోరారు. ఈ ఎన్నికలు జగన్, చంద్రబాబు మధ్య కాదని, పేదల భవిష్యత్తును నిర్ణయిస్తాయన్నారు. కుట్రలు, కుతంత్రాలకు వ్యతిరేకంగా ప్రజలు ఓటు వేయాలని పిలుపు నిచ్చారు. పేదల తరపున తాను ఉన్నానని.. పెత్తందార్ల పక్కన చంద్రబాబు ఉన్నారని ఎద్దేవా చేశారు. మోసగాళ్ల కూటమిని ఓడించండని ప్రజలకు పిలుపు నిచ్చారు.తాను ప్రతి ఇంటికి తాను మంచి చేశానని..మరోసారి కూడా అవకాశం ఇవ్వాలని కోరారు. అబద్దాలు, మోసాలు కలిపితే చంద్రబాబు అని విమర్శించారు. చంద్రబాబు పేరు చెప్తే ఒక్క పథకమైనా గుర్తుకువస్తుందా అని ప్రశ్నించారు. మోసగాళ్లంతా చంద్రబాబు పక్కనే ఉన్నారని సీఎం జగన్ వ్యాఖ్యానించారు.