AP:పోలవరం ఎడమ కెనాల్, అక్విడేట్‌లను పరిశీలించిన సీఎం

దిశ ప్రతినిధి,అనకాపల్లి:ఉమ్మడి విశాఖ జిల్లాలోని ఒక రోజు పర్యటనలో భాగంగా ముఖ్యమంత్రి చంద్రబాబు హెలికాప్టర్లో ఉదయం 11: 36 గంటలకు అనకాపల్లి జిల్లా దార్లపూడి చేరుకున్నారు. ఈ సందర్భంగా చంద్రబాబుకు స్పీకర్ అయ్యన్న, హోం మంత్రి అనిత, ఇతర నియోజకవర్గం ఎమ్మెల్యేలు, పార్టీ నాయకులు ఘన స్వాగతం పలికారు. అనంతరం ఆయన పోలవరం ఎడమ కాలువకు చెందిన అక్విడెట్‌ను పరిశీలించారు పనులు జరిగిన ప్రాంతంలో పోలవరం ఎడమ కాలువ పనులకు సంబంధించి అధికారులు ఏర్పాటు చేసిన ఫోటో ఎగ్జిబిషన్‌ను సందర్శించారు. ఈ సందర్భంగా స్థానికుల నుంచి వినతులు స్వీకరించారు. చంద్రబాబు, నీటిపారుదల శాఖ మంత్రి నిమ్మల రామానాయుడు, హోం మంత్రి అనిత, అనకాపల్లి ఎంపీ సీఎం రమేష్ లతో కలిసి అక్విడెక్ట్ ప్రాంతాన్ని పరిశీలించారు. ఇదే సమయంలో పనులు ప్రగతి కి సంబంధించిన నివేదికను పోలవరం అధికారులు సీఎం చంద్రబాబు అందించారు.