Tirumala:శ్రీవారిని దర్శించుకున్న స్పీకర్ అయ్యన్నపాత్రుడు

దిశ,తిరుమల:తిరుమల శ్రీవారిని ఈరోజు ఉదయం నైవేద్య విరామ సమయంలో ఏపీ శాసనసభ స్పీకర్ అయ్యన పాత్రుడు కుటుంబ సభ్యులతో కలిసి శ్రీవారిని దర్శించుకున్నారు. అనంతరం మొక్కులు చెల్లించుకున్నారు. వీరికి ఆలయ అధికారులు స్వాగతం పలికి దర్శన ఏర్పాట్లు చేశారు. దర్శనం అనంతరం ఆలయ రంగనాయక మండపంలో అర్చకులు వేద ఆశీర్వచనం చేయగా, అధికారులు స్వామి వారి శేష వస్త్రంతో సత్కరించి తీర్థ ప్రసాదాలను అందజేశారు. ఆలయం వెలుపలకు వచ్చిన ఆయన మీడియాతో మాట్లాడుతూ కొంత మంది రాక్షసుల చేతుల్లో పడి రాష్ట్రం నష్టపోయిందని ఆయన ఆరోపించారు. ఏపీకి మంచి రోజులు వచ్చాయని అన్నారు. గత ప్రభుత్వం కారణంగా రాష్ట్రంలో దోపిడీ జరిగిందన్నారు. దేశాన్ని రాష్ట్రాన్ని అభివృద్ధి చేసి దేశం కోసం కృషి చేసిన అమరవీరులకు అంకితం ఇవ్వాలని అందుకు ప్రజలు సైతం చెయ్యాందించాలని అన్నారు.