ఉత్తరాంధ్ర జిల్లాల డిప్యూటీ రీజినల్ కోఆర్డినేటర్‌గా చిన్న శీను

దిశ, విశాఖపట్నం ప్రతినిధి: విజయనగరం జిల్లా పరిషత్ అధ్యక్షులు , బొత్స సత్యనారాయణ మేనల్లుడు మజ్జి శ్రీనివాసరావు( చిన్న శీను) అరకు పార్లమెంటు నియోజకవర్గంతో పాటు సాలూరు, పార్వతీపురం, కురుపాం, పాలకొండ అసెంబ్లీ నియోజకవర్గాల డిప్యూటీ రీజినల్ కో ఆర్డినేటర్‌గా నియమితులయ్యారు. దీంతో పాటు విజయనగరం, శ్రీకాకుళం, పార్లమెంట్ నియోజకవర్గాలకు కూడా ఆయన డిప్యూటీ రీజినల్ కోఆర్డినేటర్‌కి వ్యవహరిస్తారని పార్టీ కేంద్ర కార్యాలయం శుక్రవారం రాత్రి విడుదల చేసిన ప్రకటనలో తెలిపింది. కాంగ్రెస్ పార్టీ అధ్యక్షుడు వైయస్ జగన్మోహన్ రెడ్డి ఆదేశాల మేరకు గతంలో నిర్ణయించిన విధంగానే అనకాపల్లి , విశాఖపట్నం, అరకు విజయనగరం, శ్రీకాకుళం పార్లమెంటు నియోజకవర్గాలకు వై వి సుబ్బారెడ్డి రీజినల్ కోఆర్డినేటర్‌గా వ్యవహరిస్తారని ఆ ప్రకటన స్పష్టం చేసింది.