Chandrababu: అప్పుడే బాగుండే.. ట్రంప్ విజయంపై చంద్రబాబు ట్వీట్

దిశ, వెబ్‌డెస్క్: అమెరికా అధ్యక్ష ఎన్నికల్లో ఘన విజయం సాధించిన డొనాల్డ్ ట్రంప్‌(Donald Trump)కు ఆంధ్రప్రదేశ్ ముఖ్యమంత్రి చంద్రబాబు(Chandrababu) శుభాకాంక్షలు చెప్పారు. ఈ మేరకు సోషల్ మీడియా(ఎక్స్) వేదికగా పోస్టు పెట్టారు. డొనాల్డ్‌ ట్రంప్‌ అధ్యక్షుడిగా ఉన్నప్పుడు ఇండో-యూఎస్‌(Indo-US) భాగస్వామ్యం గణనీయంగా బలోపేతమైంది. ప్రధాని మోడీ(PM Modi), ట్రంప్‌ నాయకత్వంలో రెండు దేశాల సంబంధాలు మరింత బలపడాలి అని చంద్రబాబు ఆకాంక్షించారు. ఇదిలా ఉండగా, అమెరికా 47వ అధ్యక్షుడిగా డొనాల్డ్‌ ట్రంప్‌(Donald Trump) పగ్గాలు చేపట్టబోతున్నారు. ప్రస్తుతం 79 ఏళ్ల వయసున్న ట్రంప్‌.. అమెరికా అధ్యక్ష పదవిని చేపట్టడం ఇది. రెండోసారి. 2016 అధ్యక్ష ఎన్నికల్లో డెమోక్రటిక్ పార్టీ(Democratic Party) అభ్యర్థి హిల్లరీ క్లింటన్‌(Hillary Clinton)పై రిపబ్లికన్ పార్టీ అభ్యర్థిగా ట్రంప్ గెలిచారు. ఇప్పుడు కూడా డెమోక్రటిక్‌ పార్టీ మహిళా అభ్యర్ధి కమలహారిస్‌(Kamala Harris)పై గెలుపొందారు.