జగన్‌కు బిగ్ షాక్.. టీడీపీలోకి బైరెడ్డి సిద్దార్థరెడ్డి? లోకేష్‌తో మంతనాలు

దిశ, వెబ్‌‌‌‌‌‌‌‌‌‌‌డెస్క్: ఆంధ్రప్రదేశ్ లో ఎన్నికల పోరు మొదలైంది. అన్ని పార్టీలు ఎత్తుకు పై ఎత్తులతో ముందుకు సాగుతున్నాయి. ఈ క్రమంలో అధికార పార్టీలోని అసమ్మతి నేతలపై ప్రతిపక్ష పార్టీలు ఫోకస్ చేస్తున్నాయి. అలాంటి సమయంలో ఇప్పుడు ఒక వార్త హాట్ టాపిక్‌‌‌‌గా మారింది. ఇప్పటికే అధికార పార్టీలో కేబినెట్ విస్తరణ వ్యవహారంతో అసమ్మతి రాగం నెలకొంది. ఈ సమయంలో వర్గ పోరుతో కొన్ని జిల్లాల్లో కీలక నేతలు అధిష్టానంపై మండిపడుతున్నారు. ఈ విధంగా రోజుకో నేత తన ఆవేదనను బయటపెడుతూనే ఉన్నారు. ఈ తరుణంతోనే వైసీపీకి చెందిన యంగ్ అండ్ డైన‌మిక్ లీడ‌ర్‌, ఏపీ శ్యాప్ చైర్మన్ బైరెడ్డి సిద్దార్థరెడ్డి ఆ పార్టీకి గుడ్ బాయ్ చెప్పే ఆలోచనలో ఉన్నట్లు తెలుస్తోంది. జగన్‌కు హ్యాండిచ్చి టీడీపీలోకి చెరనున్నట్టు సమాచారం. ఇటీవల టీడీపీ జాతీయ ప్రధాన కార్యదర్శి నారా లోకేష్‌తో కూడా చర్చలు జరిపినట్లు తెలుస్తోంది. అయితే ఇది ఎంతవరకు నిజం అనేది అధికారికంగా తేలాల్సి ఉంది.