శ్రీవారి సేవలో జేపీ నడ్డా... ఏం కోరుకున్నారో తెలుసా?

దిశ, వెబ్ డెస్క్: బీజేపీ జాతీయ అధ్యక్షుడు జేపీ నడ్డా తిరుమల శ్రీవారిని దర్శించుకున్నారు. వీఐపీ విరామ సమయంలో వెంకన్న సేవ చేసుకున్నారు. దర్శనానంతరం రంగనాయకుల మండపంలో వేద పండితులు వేదాశీర్వచనం తీసుకున్నారు. జేపీ నడ్డాకు ఆలయ అధికారులు శ్రీవారి తీర్థ ప్రసాదాలు అందజేసి పట్టువస్త్రాలతో సత్కరించారు. ఆలయం బయట ఆయన మాట్లాడుతూ శ్రీవారి ఆశీస్సులతో మోదీ నాయకత్వంలో దేశం, సమాజం మరింత అభివృద్ధి చెందాలన్నారు. ప్రజలంతా సంతోషంగా ఉండాలని శ్రీవారిని వేడుకుంటున్నట్లు జేపీ నడ్డా తెలిపారు.