AP Govt.: ఏపీ ప్రభుత్వానికి రిపోర్ట్ చేసిన సీనియర్ ఐఏఎస్ రాజమౌళి

దిశ, వెబ్‌‌డెస్క్: సీఎం చంద్రబాబు విజ్ఞప్తి మేరకు కేంద్ర ప్రభుత్వం సీనియర్ ఐఏఎస్ రాజమౌళిని ఆంధ్రప్రదేశ్‌కు కేటాయించింది. ఈ మేరకు కేంద్ర సర్వీసుల నుంచి రిలీవ్ అయిన ఆయన శుక్రవారం ఏపీ ప్రభుత్వానికి రిపోర్ట్ చేశారు. పట్టుబట్టి మరీ సీఎం చంద్రబాబు ఆయనను సెక్రటరీగా నియమించుకున్నారు. స్వతహాగా ఆంధ్రప్రదేశ్‌కు చెందిన రాజమౌళి 2003 బ్యాచ్‌కు చెందిన ఉత్తరప్రదేశ్ క్యాడర్ అధికారి. అయితే, టీడీపీ ప్రభుత్వ హయాంలో 2015-19 మధ్య కాలంలో సెక్రటరీగా సీఎం చంద్రబాబు ఆఫీసులో విధులు నిర్వర్తించారు. కాగా, అంధ్రాకు బదిలీ అయ్యే ముందు ఆయన ఉత్తర్‌‌ప్రదేశ్ హోంశాఖ ముఖ్య కార్యదర్శిగా బాధ్యతలు నిర్వర్తించారు.