అనంతపురం జిల్లాలో ఘోర రోడ్డు ప్రమాదం.. ఏడుకు చేరిన మృతులు

దిశ, వెబ్ డెస్క్: అనంతపురం జిల్లాలో జరిగిన రోడ్డు ప్రమాదంలో మృతుల సంఖ్య ఏడుకు చేరింది. గార్లదిన్నె మండలం తలగాసిపల్లి క్రాస్ వద్ద ఆటోను ఆర్టీసీ బస్సు ఢీకొట్టింది. ఈ ఘటనలో స్పాట్‌లో ఇద్దరు చనిపోగా ఆస్పత్రిలో చికిత్స పొందుతూ ఐదుగురు మృతి చెందారు. మృతులు పుట్లూరు మండలం ఎల్లుట్లకు చెందిన వాళ్లుగా పోలీసులు గుర్తించారు. వీళ్లంతా కూలీ పనులకు ఆటోలో వెళ్తుండగా ప్రమాదం జరిగిందని తెలిపారు. ప్రమాద సమయంలో ఆటోలో 12 మంది కూలీలు ఉన్నారు. కేసు నమోదు చేసిన పోలీసులు ఆర్టీసీ బస్సు డ్రైవర్‌ను అరెస్ట్ చేశారు.