AP: నన్ను చంపాలని చూస్తున్నారు.. జేసీ ప్రభాకర్‌రెడ్డిపై కేతిరెడ్డి సంచలన ఆరోపణలు
ఆంధ్రప్రదేశ్ రాష్ట్రంలో ప్రస్తుతం.. తాడిపత్రి వివాధం సంచలనంగా మారింది.
దిశ, వెబ్ డెస్క్: ఆంధ్రప్రదేశ్ రాష్ట్రంలో ప్రస్తుతం.. తాడిపత్రి వివాదం సంచలనంగా మారింది. మంగళవారం, టీడీపీ, వైసీపీ నేతల మధ్య మాటల యుద్ధం కారణంగా దాడులకు ప్రతి దాడులతో ఉద్రిక్త వాతావరణం నెలకొంది. ఈ క్రమంలో జేసీ ప్రభాకర్‌రెడ్డిపై కేతిరెడ్డి వెంకట్రామి రెడ్డి సంచలన ఆరోపణలు చేశారు. పక్కా పథకం ప్రకారమే.. తనను చంపేందుకు జేసీ ప్రభాకర్ రెడ్డి ప్లాన్ చేస్తున్నారని.. తాను తాడిపత్రికి రాకూడదని దౌర్జన్యం చేస్తున్నారని, జిల్లాల్లో ఆయనకు రాజకీయంగా అడ్డొస్తాననే భయంతోనే ఈ దాడులు చేస్తున్నారని మాజీ ఎమ్మెల్యే కేతిరెడ్డి వెంకట్రామిరెడ్డి ఆరోపించారు. తమ అన్నను కూడా గతంలో ఇలాగే హత్య చేశారని.. తనను తాడిపత్రి రాకుండా ఎవరూ అడ్డుకోలేరని, తన ఊపిరి ఉన్నంత వరకు తాడిపత్రిలోనే ఉంటానని కేతిరెడ్డి వెంకట్రామి రెడ్డి స్పష్టం చేశారు.