నేను ప్రజా శాంతి పార్టీలోనే ఉన్నా: నటుడు బాబూ మోహన్

దిశ ప్రతినిధి, విశాఖ పట్నం: తనకు బీఆర్ఎస్ నుంచి టికెట్ వచ్చిందని, పార్టీ మారి పోయానని తప్పుడు వార్త ప్రచారంలో ఉందని ప్రజాశాంతి పార్టీ నాయకుడు, సినీ నటుడు బాబూ మోహన్ అన్నారు. విశాఖలో నిర్వహించిన మీడియా సమావేశంలో ఆయన మాట్లాడారు. తాను వరంగల్ ఎంపీ అభ్యర్థిగా పోటీ చేస్తున్నానంటూ తప్పుడు ప్రచారం జరుగుతోందని తెలిపారు.

రాష్ట్రంలో వైసీపీ, టీడీపీ కుటుంబ, కుల పాలనకు వ్యతిరేకంగా ప్రచారం చేస్తున్నామని కేఏపాల్ తెలిపారు. స్టీల్ ప్లాంట్ ప్రైవేటీకరణకు వ్యతిరేకంగా పని చేస్తున్నామని గుర్తు చేశారు. గెలుపు తమదేనని కోర్టుల్లోనూ తేలిందని స్పష్టం చేశారు. వరంగల్ ఎంపీగా తమ పార్టీ అభ్యర్థి బాబూ మోహన్, విశాఖ ఎంపిగా తనను గెలిపించాలని కేఏ పాల్ కోరారు.