మనిషి ముఖం ఆకారంలో చేప.. పేరేంటో తెలుసా?

దిశ, వెబ్ డెస్క్: విశాఖ సాగర తీరంలో మత్స్యకారుల వలకు అరుదైన చేప చిక్కింది. మనిషి ఆకారంలో ఈ చేప తల ఉంది. ఈ చేప పేరు ‘పఫర్ షిష్’ అని పిలుస్తారు. చాలా అరుదుగా ఈ చేప దొరుకుతుంది. సముద్ర జలాల్లో చాలా లోపల భాగంలో ఈ చేపలు ఉంటాయి. సముద్రంలో సంచరించే సమయంలో మత్స్యకారుల వలకు చిక్కింది. తానను రక్షించుకునేందుకు ఈ చేప తలను బెలూన్ల మాదిరిగా మారుస్తుందని మత్స్యశాఖ సహాయ సంచాలకుడు డాక్టర్ పి. శ్రీనివాసరావు తెలిపారు. స్థానిక జాలర్లు మాత్రం ఇది చేప కాదని, సముద్రపు కప్ప అని చెబుతున్నారు. విశాఖ సముద్ర తీరంలో ఇటువంటి విభిన్న తరహా జీవులు దొరకడం విశేషంగా చెప్పుకుంటున్నారు.