తీవ్ర విషాదం.. గంటల వ్యవధిలోనే అక్కాచెల్లెలు మృతి

దిశ, వెబ్ డెస్క్: నెల్లూరులో తీవ్ర విషాదం చోటు చేసుకుంది. గంటల వ్యవధిలోనే అక్కా చెల్లెళ్లు మృతి చెందారు. పటారుపల్లి చలపతినగర్‌లో ఈ ఘటన జరిగింది. స్థానికుడు మల్లిఖార్జున, మామిని దంపతులకు ముగ్గురు కుమార్తెలున్నారు. వీరిలో పెద్ద కుమార్తె యమునా అనారోగ్యంతో బాధపడుతూ చెన్నైలో చికిత్స పొందుతూ మృతి చెందారు. దీంతో ఆమె మృతదేహాన్ని నెల్లూరుకు తీసుకొచ్చారు. అయితే  అక్క యమున మృతదేహం వద్ద చెల్లి తులసి ఏడుస్తూ హఠాన్మరణం చెందారు. గంటల వ్యవధిలోనే అక్కా చెల్లెళ్లు మృతి చెందడంతో ఆ గ్రామంలో విషాద ఛాయలు అలుముకున్నాయి.